Monday, 16 January 2012

Anak kerang minta Ampun


Aku nemu aku salah. Aku nemu aku salu bula kediri empu. Aku selalu ngelalai kediri agi sayau ke nuan , laban aku pedis ati kala dilengka ke nuan enda ngadang. Aku begagai enggau semua kena aku ngelimpang ke ati. Aku gaga.. Seput aku enda padam ba nuan siku. Aku lantang urang enda baum enggai ke aku. Aku manjung nempap pah gaga. Aku ngasai ke semua utai digaga aku betul magang.

Aku enggai alah ... Aku mesti ka menang belama. Aku enda kala alah , aku gaga.  Aku mula sedar, aku gaga, tang  aku puang nuan udah nadai agi. Aku benci perasaan tu. Benci laban nuan kelalu sayau ke aku. Aku benci laban penyayau nuan ulih ngalah ke aku. Aku paling benci nuan sayau ke aku enggau nadai syarat. Aku tewas laban nuan lenyau terus ari aku.

Aku begulai enggau iya, aku nguji sayau ke iya, aku nguji kiruh ke iya... tang nama kebuah ati aku kosong, ati aku enda lantang, aku majak ngiga nuan??? Aku nemu enti dibanding enggau iya kebukai nuan biasa aja. Tang siti utai nadai penimpang ba nuan. Ati nuan kelalu chiru. Aku nguji manding ke nuan enggau sida kebukai...Sida semina lebih ba gamal, tang ati enda tetanding ke nuan. Aku pedis ati laban nuan agi mengkang n0 1 ba ati aku.

Kemari nuan meri aku jalai pulai. Aku teringat nuan kala ngelengka ke aku. Aku ringat. Aku milih ke bukai... G
aga??? Aku ingat aku gaga tang sekali agi ku salah.. Semina nuan ti ngembuan cara ngasuh aku LANTANG/ GAGA/ PUAS HATI... Tang aku "EGO" laban aku enda kala alah.  Semina nuan ulih ngalah ke aku. Aku nemu diri kala salah laban malas dendam nuan ninggal ke aku arinya. Tang aku ka madah, aku sayau ke nuan. Aku alah laban penyayau nuan nya.. Sekali agi nuan ngalah ke aku.

Aku nemu peluang engka udah nadai endur aku agi. Tang aku ka madah " AKU SAYAU KE NUAN".. Aku minta ampun kala ngesai ke nuan ketegal ati aku bedendam dilengka. Aku enda mansal ti peluang udah nadai agi tang kepenudi aku madah runtuh EGO aku ketegal
PEMANAH/ PENELAP/ PEMENTAS budi enggau penyayau nuan ti enda kala berubahnya... Badu agi aku ego, badu agi aku ka menang belama. Enti nuan kelalu ensiban ati laban aku, aku nusun jari 10 ... Aku minta ampun.. Dendam mai ati aku tekalih.

Badu agi aku ka menang belama, ku buai ku lengka ke semua utai ti ngasuh aku buta ati ka menang belama nyak... Aku ngaku diri alah ketegal budi enggau penyayau nuan. Sekali agi nuan ngeruntuh ke EGO ti ngembar tubuh aku ngelamatu...

No comments:

Post a Comment